Погода:
Курсы валют:
Объявления
Куплю-Продам
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29
отдел маркетинга
(8- 017-94)68-1-30,
SMS-информирование

+375-29-194-77-56.

Предложить новость
22 жніўня 2019 года
Все сельсоветы
Главная  /  Новости  /  Горячие новости  /  Год малой родины
24 красавіка 2019 года, 13:48

Да Года малой радзімы журналісты раёнкі распачынаюць новы праект, прысвечаны малым населеным пунктам нашай Любаншчыны

 
Самай маленькай вёсачкай Малагарадзяціцкага сельсавета з’яўляецца пасёлак Падгалле, што знаходзіцца ля Палічына.

Назва пасёлка пайшла ад слова “гала” – адкрытае месца, вырубка ў лесе. Адсюль становіцца зразумела, што заўжды гэтае месца акружаў лес.

З’яўвіўся населены пункт напачатку ХХ стагоддзя як хутар: у 1909 годзе тут налічвалася 4 двары, пражывала 22 чалавекі, у 1967 годзе ў Падгалле было 75 жыхароў, у двухтысячным – 20, з іх шасцёра – непаўналетнія.

Сёння тут жыве чатыры чалавекі. Пенсіянеркі Галіна Ігнацьеўна Еўдакімчык і Марыя Цімахвееўна Бойка, што калісьці працавалі на мясцовай ферме даяркамі, абедзьве прыехалі на Падгалле пасля вяселля: Марыя Цімафееўна – у 1956 годзе, Галіна Ігнацьеўна – у 1960-ым. Сямейная пара Андрэя Андрэевіча і Маргарыты Мікалаеўны Лапцікаў пасялілася ў пасёлак у 1993-ым, пасля пераезду з Эстоніі.

Зараз Андрэй Андрэевіч працуе дырэктарам Палічынскага сельскага Дома культуры. Па яго ініцыятыве ў 2017 годзе ў цэнтры Падгалля ўсталявалі вялікі камень з назвай населенага пункта. На ўрачыстасць у пасёлку сабралося не менш за паўсотні чалавек, ганаровае адкрыццё памятнага знака даверылі старшыні сельвыканкама Тамары Іванаўне Талыка.

Раней жыццё ў пасёлку віравала. Па ўспамінах, тут знаходзілася спартыўная пляцоўка, і шмат палічынскай і калінаўскай моладзі збіралася вечарамі менавіта ў Падгаллі. Аднак і зараз вёсачку не забываюць. У госці да жыхароў часта, асабліва ўлетку, прыяжджаюць дзеці, унукі, іншыя родзічы ды сябры. Пасёлак ажывае і зноў поўніцца вечаровымі гамонкамі, музыкай ды дзіцячым смехам…

На дымку: Падчас адкрыцця памятнага знака. У цэнтры – жыхары Падгалля Галіна Еўдакімчык і Андрэй Лапцік.

 

 

Анастасия

Дашкевич


Архив сайта
22
2019
Август
Что, на ваш взгляд, сильнее всего угрожает вашему здоровью?
Выборы-2019 2-е европейские игры Декрет №7 Тема недели Декрет №3 Телефоны горячих линий Отдел образования Любанского РИК