Погода:
Курсы валют:
Объявления
Куплю
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29,
SMS-информирование

+375-29-194-77-56

Предложить новость
22 сакавіка 2019 года
Все сельсоветы
Главная  /  Новости  /  Общество  /  Молодежная политика
14 снежня 2018 года, 06:28

Неабходна даць трывалыя арыенціры

 
Пра духоўныя асновы, маральныя каштоўнасці і іншыя важныя аспекты ў справе выхавання падрастаючага пакалення вялася гаворка падчас Барысаўска-Слуцкіх калядных рэгіянальных адукацыйных чытанняў, што на мінулым тыдні ладзіліся ў г. Мар’іна Горка.

 

Перад пачаткам форуму, у якім прынялі ўдзел намеснікі старшынь райвыканкамаў вобласці, прадстаўнікі аддзелаў ідэалагічнай работы, культуры і па справах моладзі, сродкаў масавай інфармацыі, педагогі, медыкі і іншыя, быў адслужаны малебен у храме благавернага князя Аляксандра Неўскага. Там жа ўсе жадаючыя маглі прыкласціся да мошчаў вялікапакутніка Панцелеймона (у праваслаўі яго шануюць як лекара, у якога вернікі просяць дараваць духоўнае і цялеснае здароўе) і яшчэ адной святыні – Пакроў Прасвятой Багародзіцы.

А затым адбылася канферэнцыя. Вызначаная тэма «Моладзь: свабода і адказнасць» дала шырокае поле для разважанняў як прадстаўнікоў духавенства, так і кіраўнікоў. Намеснік старшыні Мінскага абласнога выканаўчага камітэта Іван Маркевіч падкрэсліў, што калядныя чытанні заўсёды прыкметнае мерапрыемства ў царкоўным і культурным жыцці Міншчыны. Праводзяцца яны ўжо ў чацвёрты раз. І ў мінулыя гады форум выклікаў вялікую цікавасць і атрымаў станоўчыя водгукі грамадскасці. Тэма, выбраная сёлета, вядома ж, актуальная, падкрэсліў Іван Станіслававіч, і мае важнае значэнне для сучаснасці і будучыні краіны. Нашай моладзі сёння патрабуюцца трывалыя духоўныя арыенціры. Важна прывіць ёй інтарэс да мінулага, удыхнуць у юныя сэрцы ідэі патрыятызму, служэння Айчыне. А менавіта праваслаўная царква з’яўляецца прыкладам творчасці і наватарства ў сферы ўкаранення новых мадэляў для асветы дзяцей і падлеткаў. Таму ў плённым супрацоўніцтве з ёй магчыма вырашыць многія надзённыя задачы па выхаванні падрастаючага пакалення.

У сваю чаргу епіскап Слуцкі і Салігорскі Антоній (на здымку) зазначыў, што ўпершыню такое мерапрыемства арганізавана ў міжепархіяльным фармаце. А гэта дае новыя магчымасці для абмену вопытам і канструкцыйнага дыялогу па актуальных праблемах. Уладыка падзяліўся сваім меркаваннем: «Хрысціянскі позірк на моладзь – гэта позірк, поўны веры, надзеі і любві. Для хрысціяніна натуральна верыць у тое, што кожнае пакаленне Усявышні надзяляе асаблівымі талентамі; спадзявацца на тое, што дараваныя здольнасці будуць накіраваны на стварэнне; і абавязкова любіць у кожным маладым чалавеку вобраз Божы». Таксама епіскап распавёў пра работу з моладдзю непасрэдна ў Слуцка-Салігорскай епархіі. А ёй, да слова, надаецца вялікае значэнне, пастаянна ўкараняюцца новыя формы дзейснасці з падрастаючым пакаленнем. Традыцыйна праводзяцца дабрачынныя акцыі (да Нараджэння Божага, Вялікай Пасхі, Дня абароны дзяцей, Дня ведаў) па зборы падарункаў для тых, хто мае патрэбу ў дапамозе і падтрымцы; ладзяцца праваслаўныя злёты ў в. Салтанаўшчына Нясвіжскага раёна; Свята-Праабражэнскі прыход г. Любані з’яўляецца адным з арганізатараў лагера «Патрыёт» для падлеткаў і г.д.

Сваімі думкамі па акрэсленай тэме падзяліліся таксама епіскап Барысаўскі і Мар’інагорскі Веніямін, начальнік галоўнага ўпраўлення па адукацыі Мінаблвыканкама Таццяна Апраніч, выконваючы абавязкі старшыні Пухавіцкага райвыканкама Аляксандр Ласевіч і інш. А пасля яшчэ на працягу некалькіх гадзін пытанне ўсебакова абмяркоўвалася на разнастайных секцыях. На дзвюх з іх выступалі і прадстаўнікі Любанскага благачыння: протаіерэй Аляксандр Драгун, благачынны, настаяцель Свята-Праабражэнскага прыхода, («Царква і армія») і іерэй Андрэй Еўшаль, настаяцель храма Казанскай іконы Божай Маці, кіраўнік прэс-службы Слуцкай епархіі («Царква і СМІ»).

Па заканчэнні працы секцый адбылося ўрачыстае закрыццё IV рэгіянальных адукацыйных калядных чытанняў, на якім былі падсумаваны вынікі форуму.

 

Наталья

Вилента


Свежие новости
Больше новостей
Архив сайта
22
2019
Март
Что, на ваш взгляд, сильнее всего угрожает вашему здоровью?
Свежие новости
Больше новостей
2-е европейские игры Декрет №3 Тема недели Декрет №7 Телефоны горячих линий Отдел образования Любанского РИК