Погода:
Курсы валют:
Объявления
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29
отдел маркетинга
(8- 017-94)68-1-30,
SMS-информирование

+375-29-194-77-56.

Предложить новость
17 студзеня 2021 года
Все сельсоветы
Главная  /  Новости  /  Образование и развитие
31 мая 2019 года, 06:45

«За кулісамі дзяцінства» – казкі

 
Немагчыма  сабе ўявіць жыццё рабят у дзіцячым садзе без вясёлых забаў, шумных святаў, цікавых гульняў.

 



Асаблівая роля ў развіцці дашкольнікаў належыць тэатру – аднаму з самых яркіх відаў мастацтва. Менавіта таму па ініцыятыве ўпраўлення па адукацыі, спорце і турызме 17 мая ў Любанскай дзіцячай школе мастацтваў прайшоўv тэатральны фестываль сярод устаноў дашкольнага выхавання. На гэты раз ён праводзіўся ў два этапы. У першым прынялі ўдзел 17 устаноў, якія прадставілі відэаролікі сваіх пастановак. Дарэчы, адна з умоў – казка павінна быць на беларускай мове. 7 удзельнікаў выйшлі ў другі этап, каб прадэманстраваць свой талент гледачам і журы. Гэта Сароцкі яслі-сад (казка «Пшанічны каласок»), Урэцкі яслі-сад №10 («Мёд і пчолы»), Малагарадзячыцкі вучэбна-педагагічны комплекс дзіцячы сад – сярэдняя школа («Каза-манюка»), дзіцячыя сады горада Любані: №6 («Мама для маманцяняці»), №4 («Як варона салаўём прыкінулася»), №5 («Зайчаня»), №3 («Светлафор»).



На пачатку мерапрыемства галоўны спецыяліст упраўлення па адукацыі, спорце і турызме Алена Кандраценя зазначыла, што тэатр – гэта свята, радасць. Ён развівае ўяўленне і фантазію, садзейнічае творчаму росквіту дзіцяці, фарміруе культуру. Алена Віктараўна павіншавала рабят, падзякавала педагогам за іх працу.


Мерапрыемства атрымалася яркім, забаўным – святам казкі, творчасці, тэатральнага мастацтва. Цудоўныя касцюмы, дэкарацыі, музычнае суправаджэнне, танцавальныя нумары – усё, як у сапраўдным тэатры. Дзіцячыя калектывы былі непаўторнымі, артыстычнымі. У кожнай пастаноўцы – свая ізюмінка. Маленькія акцёры лёгка, умела і чулліва перадавалі стан і настрой сваіх герояў, здзіўлялі і радавалі гледачоў, якія кожнае выступленне суправаджалі бурай эмоцый і громкімі апладысментамі. Педагогі праявілі вынаходлівасць, крэатыўнасць у падрыхтоўцы спек-такляў, некаторыя самі станавіліся ўдзельнікамі дзеі.


Журы, якое ўзначаліла А.В. Кандраценя, было складана ацаніць выступленні, таму што ўсе заслугоўвалі самых высокіх адзнак. І ўсё ж Дыпломамі І, ІІ, ІІІ ступеней узнагароджаны калектывы гарадскіх ясляў-садоў №6, №5, №3 адпаведна. Акрамя таго, Сароцкі яслі-сад адзначаны ў намінацыі «Лепшы мастацкі дызайн»,  яслі-сад №4 – «Лепшая рэжысёрская пастаноўка». Урэцкі яслі-сад атрымаў прыз глядацкіх сімпатый, Малагарадзячыцкі ВПК ДС-СШ – прыз журы. За лепшую акцёрскую ролю ўзнагароджана Соф’я Юдзіцкая (Мала-гарадзячыцкі ВПК), а таксама адзначаны і іншыя выканаўцы.

Напрыканцы хочацца пажадаць выхаванцам дашкольных устаноў далейшых творчых поспехаў, а педагогам – невычэрпнага натхнення. Няхай і надалей фестываль радуе аматараў тэатра, а выхаванцы садкоў развіваюць свой талент.

 

Ирина

Березовская


Архив сайта
17
2021
Январь
Что, на ваш взгляд, сильнее всего угрожает вашему здоровью?
Год народного единства VI Всебелорусское народное собрание Биометрические документы Республики Беларусь Декрет №7 Декрет №3 Отдел образования Любанского РИК Телефоны горячих линий