Погода:
Курсы валют:
Радио
Масава-палiтычная газета Любанскага райвыканкама i райсавета дэпутатаў
Отдел рекламы и маркетинга
(8-017-94) 68-1-30

Предложить новость
8 лютага 2023 года
Главная  /  Новости  /  Культура
13 ліпеня 2018 года, 15:30

З двума трэцімі месцамі і адным другім землякі вярнуліся з «Берагіні»

 
 Любанчан пастаянна можна сустрэць у ліку ўдзельнікаў «Берагіні». Сёлета наш раён на фестывалі прадставілі дзесяць танцавальных пар з чатырох калектываў: «Расіца» (Сароцкі СДК), «Напарачка», «Верабейкі» і «Жэўжык» (Любанскі РЦК). Дарэчы, у цэлым сваё майстэрства па захаванні і развіцці народнай спадчыны дэманстравалі 800 удзельнікаў.


 Землякі (кожны ў сваёй узроставай групе) спаборнічалі за перамогу ў двух конкурсах: выканаўцаў побытавага танца «Лявоніха» і танцавальнай імправізацыі «Барыня».

 Для таго, каб выступіць у першым з іх, кожная пара павінна была ведаць не менш як дваццаць танцаў. Ды любанчане, пэўна, ведаюць і таго больш. Не дзіўна, што яны вытрымалі сур’ёзную канкурэнцыю і аказаліся ў ліку прызёраў. Так, ва ўзроставай групе ад 25 да 50 гадоў пара Максіма і Ксеніі Вяроўкаў заняла трэцяе месца; ва ўзроставай групе ад 50 і больш пара Віктара Гецюка (адзначым, што яму 76 гадоў) і Вольгі Шчарбачэні таксама стала трэцяй. У той жа ўзроставай групе пара Сяргея Гайкевіча і Галіны Новікавай і ўвогуле спынілася ў кроку ад перамогі – заняла другое месца.


 Ды любанчане на фестывалі не толькі спаборнічалі ў конкурсах. Яны давалі майстар-клас па танцах, што калісьці выконвалі нашы продкі. У прыватнасці, пазнаёмілі з любанскімі вальсам, лявоніхай, полькай. Акрамя таго, землякам аказалі пачэснае права прыняць удзел у адкрыцці фестывалю.

Настасся КАЛЯДА

 

.

 

Архив сайта
8
2023
Февраль
Что, на ваш взгляд, сильнее всего угрожает вашему здоровью?
Год мира и созидания Минской области - 85 Единый день информирования Биометрические документы Республики Беларусь Декрет №7 Декрет №3 Отдел образования Любанского РИК Телефоны горячих линий