Погода:
Курсы валют:
Объявления
Куплю
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29,
SMS-информирование

+375-29-194-77-56

Предложить новость
22 сакавіка 2019 года
Все сельсоветы
Главная  /  Новости  /  Культура
23 жніўня 2018 года, 11:14

Весела адпачылі ў Касцюках

 Увечары 18 жніўня ля школы было шматлюдна. Амаль што палова Касцюкоў сабралася, каб адзначыць свята вёскі.
Шчыра і пранікнёна гучалі цёплыя словы вядучых – в.а. дырэктара Тальскай школы-сада Святланы Арцімені і яе дачкі, спецыяліста аддзела прымусовага выканання Крысціны Арцімені. Шчыра і па-сямейнаму праходзіла і само мерапрыемства.
Ахвочыя да дамашняй выпечкі за сімвалічную плату маглі набыць ласункі ад «Кузьміцкіх пры-смакаў» – аматарскага аб’яднання Кузьміцкага сельскага Дома культуры. Сапраўдная водная феерыя разгарнулася за школай. Сюды прыехала пажарная аўтацыстэрна, і дзеці, што завіталі на свята, змаглі паспрабаваць сябе ў ролі выратавальнікаў – вядома, пад пільным вокам сапраўдных супрацоўнікаў райаддзела па надзвычайных сітуацыях.

Традыцыйна падчас свята вёскі віншавалі многіх мясцовых жыхароў і ўручалі ім падарункі. Сярод іх тыя, што многа гадоў аддана шчыравалі на сваіх рабочых месцах і зараз знахо-дзяцца на заслужаным адпачынку. Гэта Фёдар Рашчэня, які больш за 30 гадоў з’яўляўся супрацоўнікам Любанскага райваенкамата; Мікалай Рудзеня і Лідзія Касцюкавец, якія больш за сорак гадоў шчыравалі ў мясцовым калгасе; Аляксандра Яцко, якая 27 гадоў настаўнічала ў Касцюкоўскай школе і за сваю працу ўзнагароджана нагрудным знакам «Выдат-нік народнай асветы». Словы падзякі за штодзённую работу атрымала Зінаіда Нікішына, якая ўсё жыццё адпрацавала аператарам машыннага даення і, нягледзячы на пенсіённы ўзрост, працягвае шчыраваць на МТФ «Касцюкі» і зараз.
Гісторыя, сучаснасць і будучыня вёскі ідуць побач, разам з яе жыхарамі – тымі, што шмат гадоў жылі тут, жывуць зараз і будуць жыць надалей. Падчас святкавання адзначылі многіх вяскоўцаў: самую маленькую жыхарку Касцюкоў Валерыю Кругленю, якой напярэдадні мерапрыемства споўнілася паўгода; самага сталага – дзевяностааднагадовага ветэрана Вялікай Айчыннай вайны Уладзіміра Тарасавіча Марціновіча.Атрымала падарункі цудоўная сямейная пара – Сяргей Мікалаевіч і Наталля Міхайлаўна Гарбузы 59 гадоў пражылі разам  у згодзе, з любоўю і павагай адзін да аднаго. Іх саюз з’яўляецца прыкладам для многіх вяскоўцаў. Раўняцца на іх будзе і самая маладая мясцовая сямейная пара – для Мікалая Вяроўкі і Тамары Асіпенка марш Мендэльсона прагучаў усяго толькі месяц назад. А больш за ўсіх дзетак у Касцюках прыдбала сям’я Віталія і Людмілы Данілевічаў – яны выхоўваюць чатырох сыночкаў, будучых абаронцаў нашай Айчыны.

Спонсарамі мерапрыемства выступілі КСУП «Таліца-агра», раённы камітэт прафсаюза работнікаў адукацыі і навукі, РК ГА «Беларускі рэспубліканскі саюз моладзі», а таксама прадпрымальнікі Андрэй Бокшыц, Алег і Маргарыта Шэшка, Кацярына Зіневіч. Апошняя, дарэчы, таксама атрымала падарункі – кіраўніцтва сельвыканкама адзначыла Кацярыну Анатольеўну, дырэктара ТАА «Александров», за ўсебаковую фінансавую падтрымку, дапамогу ў добраўпарадкаванні тэрыторыі і арганізацыі святаў.
Канцэртную праграму для касцюкоўскага свята падрыхтавалі артысты Любанскага раённага Цэнтра культуры. Прыгожыя песні выканаўцаў не маглі пакінуць прысутных раўнадушнымі, і хутка пад вясёлыя мелодыі многія кінуліся ў скокі. Маленькія жыхаркі вёскі – дзяўчаты, бадай, яшчэ і ў школу не ходзяць – выйшлі на сцэну перад спевакамі і пачалі танчыць пад усе музычныя нумары. І нельга дакладна сказаць, каму гледачы апладзіравалі больш – артыстам ці гэтай групе падтрымцы. Завяршыліся гулянні дыскатэкай, якая доўжылася да самай ночы.

Напрыканцы трэба адзначыць, што свята не атрымалася б такім яскравым без яго галоўнага арганізатара – старшыні Тальскага сельвыканкама Георгія Сліўца. Працуючы ў звязцы з жыхарамі, прадпрыемствамі і арга-нізацыямі вёскі, сельсавета і райцэнтра, Георгій Паўлавіч стварыў насамрэч цікавае мерапрыемства, якое прыйшлося даспадобы ўсім без выключэння.
Анастасия

Дашкевич


Свежие новости
Больше новостей
Архив сайта
22
2019
Март
Что, на ваш взгляд, сильнее всего угрожает вашему здоровью?
Свежие новости
Больше новостей
2-е европейские игры Декрет №3 Тема недели Декрет №7 Телефоны горячих линий Отдел образования Любанского РИК