Погода:
Курсы валют:
Радио
Масава-палiтычная газета Любанскага райвыканкама i райсавета дэпутатаў
Отдел рекламы и маркетинга
(8-017-94) 68-1-30

Предложить новость
28 лістапада 2022 года
Главная  /  Новости  /  Культура
2 мая 2019 года, 14:41

Пісьменніца Алена Масла сустрэлася з любанчанамі

 

У казках закладзены вельмі глыбокі сэнс і велізарны патэнцыял. З дапамогай іх можна абудзіць радавую памяць, распавесці пра сівыя гады мінуўшчыны і паданні продкаў. Гэтыя творы выконваюць і вялікую выхаваўчую ролю, таму што ў іх дабро заўсёды перамагае зло.

 

Значнай падзеяй для дзяцей і дарослых адукацыйнай і культурнай прастораў Любаншчыны стала творчая сустрэча з беларускай пісьменніцай-казачніцай Аленай Масла. Названае мерапрыемства адбылося 19 красавіка бягучага года ў Любанскай дзіцячай школе мастацтваў.


Перад тым як трапіць на сустрэчу з чытачамі, Алена Сцяпанаўна Масла наведала нашага пісьменніка-земляка, ганаровага грамадзяніна горада Любані Івана Андрэевіча Муравейку. Пасля зносін з адным са старэйшых пісьменнікаў Беларусі казачніца шчыра падзялілася сваімі пачуццямі з прысутнымі, у ліку якіх былі работнікі бібліятэк, настаўнікі беларускай мовы і літаратуры, пачатковых класаў, навучэнцы Камунараўскага дзіцячага сада – сярэдняй школы, першай і трэцяй адзінаццацігодак г. Любані.


Падчас выступлення Алена Масла падзялілася любоўю да жанру казкі, да сваёй малой радзімы – вёскі Мілашова, як і да Беларусі ў цэлым. Сапраўды, у назвах Мілашова і Любань ёсць нешта агульнае – абедзве яны мілагучныя, напоўненыя любоўю.


Першая кніга Алены Масла «Каляды з хроснай» выйшла ў свет у 2005 годзе. Галоўныя героі казкі – дзяўчынка Віка і яе любімая хросная. Віка вучыцца быць чараўніцай, стварае цуды і робіць добрыя ўчынкі. З хроснай яны то наладжваюць фабрыку па вытворчасці сняжынак, то запрашаюць усіх ахвотнікаў скаціцца на горных лыжах. Навагоднія падарункі для дзяцей і сталых проста сыплюцца з неба, спраўджваюцца іх патаемныя мары. Дарэчы, кніга была перавыдана ў 2012 годзе. Цікавы, захапляльны казачны свет адлюстраваны ў кнігах пісьменніцы «Таямніца закінутай хаты», «Першая прыгажуня», «Пацучок Фэлік падарожнічае», «Мяне завуць Лахнэска» і інш. Алена Масла шмат увагі надае пытанням развіцця дзіцячай літаратуры. Па яе ініцыятыве праводзяцца «Мілашоўска-Мілашаўскія чытанні» – праект распачаты ў 2011 годзе да 100-гадовага юбілею Нобелеўскага лаўрэата, польскага паэта і перакладчыка Чэслава Мілаша, імя якога цесна звязана з Беларуссю.


Выставу кніг і слайд-шоу на творы Алены Сцяпанаўны падрыхтавалі і прадэманстравалі супрацоўнікі раённай дзіцячай бібліятэкі. Пісьменніца-казачніца прывезла з сабою лялькі герояў казак, чым уразіла публіку, сярод якой правяла невялікую віктарыну пераможцы яе атрымалі з рук пісьменніцы прызы.


Уручэннем сувеніраў, кветак і шчырых апла-дысментаў, фота на памяць з аўтарам казак закончылася сустрэча. Усе жадаючыя змаглі набыць новую кнігу Алены Масла з яе аўтографам «Балотныя прыгоды». Пасля ў глядзельнай зале Любанскай дзіцячай школы мастацтваў з аншлагам прайшоў падрыхтаваны тэ-атральным калектывам «Летуценнікі» ДШМ спектакль «Вандроўка з божымі кароўкамі» па кнізе пісьменніцы-казачніцы, якая пры-сутнічала на ім сама. Пасля прайшло абмеркаванне ўбачанага на сцэне, удзельнікі размовы з казачніцай атрымалі грунтоўныя адказы на пытанні, што іх цікавілі. Цёплая сустрэча пакінула   чароўны шлейф прыемных успамінаў і добрага настрою.

 

Алена Сцяпанаўна МАСЛА нарадзілася 14 красавіка ў 1967 годзе ў вёсцы Мілашова Міёрскага раёна Віцебскай вобласці ў сямі настаўнікаў-філолагаў.


Друкавацца пачала з 10 гадоў, дэбютавала ў часопісе «Бярозка», публікавалася ў газеце «Чырвоная змена». З 1984 па 1989 год навучалася на факультэце журналістыкі БДУ, пасля заканчэння якога ў розныя гады працавала фотакарэспандэнтам у газеце «Піянер Беларусі» («Раніца»), рэдактарам краязнаўчага аддзела ў газеце «Туризм и отдых», рэдактарам аддзела часопіса «Качели», галоўным рэдактарам газеты «Переходный возраст», загадчыкам рэдакцыі дзіцячай літаратуры выдавецтва «Мастацкая літаратура», узначальвала часопіс «Бярозка».


Пісьменніца-казачніца – удзельніца канферэнцыі славістаў у Швецыі, шведскай цырымоніі ўзнагароджання прэміяй Астрыд Ліндгрэн, «круглых сталоў» па праблемах дзіцячай літаратуры і кнігавыдання на Міжнародных кніжных кірмашах у Мінску, Львове, Вільнюсе, сябра журы літаратурных прэмій імя Янкі Маўра, імя Цёткі. Творы Алены Масла перакладзены на ўкраінскую, сербскую мовы.

Елена

Радкевич


Архив сайта
28
2022
Ноябрь
Что, на ваш взгляд, сильнее всего угрожает вашему здоровью?
Год исторической памяти Биометрические документы Республики Беларусь Декрет №7 Декрет №3 Отдел образования Любанского РИК Телефоны горячих линий