18 МАЯ – МІЖНАРОДНЫ ДЗЕНЬ МУЗЕЯЎ Месца, дзе ажывае гісторыя

У дзяржаўнай установе працуе сем чалавек, чацвёра з іх – навуковыя супрацоўнікі. За першыя чатыры месяцы 2019 года Любанскі музей наведалі каля 7 тысяч чалавек, было праведзена каля паўтары сотні экскурсій. У ліку найбольш цікавых часовых экспазіцый – выставы карцін ураджэнца вёскі Закальное, заслужанага работніка культуры Расіі Сяргея Мікуліча «Душой всегда я вместе с вами», прыватнай калекцыі ваенных галаўных убораў «Честь имею», экзатычных птушак і крылатых жыхароў нашых лясоў «Мир больших попугаев и певчих птиц».

Прыярытэтным накірункам дзейнасці музея была і застаецца работа з моладдзю. Ужо традыцыйнымі для рабят сталі музейныя ўрокі і краязнаўчыя алімпіяды. Так, сёлета раённая алімпіяда прайшла ўжо ў дванаццаты раз, удзел у ёй прынялі рабяты з 19 устаноў агульнай сярэдняй адукацыі раёна. Алімпіяда пад назвай «Мы помнім. Мы ганарымся» была прысвечана святкаванню 100-гадовага юбілея БССР, 95-годдзя стварэння Любанскага раёна і 75-годдзя вызвалення Беларусі ад нямецка-фашысцкіх захопнікаў.

Версия для печати

К списку записей раздела>>