Погода:
Курсы валют:
Объявления
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29
отдел маркетинга
(8- 017-94)68-1-30,
SMS-информирование

+375-29-194-77-56.

Предложить новость
26 лютага 2021 года
Все сельсоветы
Главная  /  Новости  /  COVID-19. Важная информация
25 лістапада 2020 года, 05:23

У напружаным рытме працуе калектыў аддзялення хуткай дапамогі Любанскай ЦРБ

 
З сезонным ростам захворванняў на вострыя рэспіраторныя інфекцыі, пагаршэннем эпідэміялагічнай сітуацыі ў рэгіёне павялічылася інтэнсіўнасць работы медыкаў.

У больш напружаным рытме працуе зараз калектыў аддзялення хуткай дапамогі Любанскай ЦРБ. За суткі паступае да 35–40 выклікаў, і большасць з іх якраз-такі ад пацыентаў з тэмпературай і сімптомамі ВРІ.

– Мы спяшаемся да кожнага, – падзялілася фельчар «хуткай» Жанна Рэўтовіч. – Каб аказаць неабходную дапамогу. Па прыбыцці ацэньваем стан хворага і сур’ёзнасць сітуацыі. Пасля чаго прымаем рашэнне: патрэбна дастаўляць у ЦРБ альбо не. Кожны выклік як экзамен. І здаць яго на нездавальняюча ні ў якім разе нельга, бо на кону чыёсьці здароўе, а, магчыма, і жыццё.

Нягледзячы на ўсе складанасці абранай прафесіі, Жанна Эдуардаўна ні разу ў ёй не расчаравалася. А прывяло жанчыну ў медыцыну імкненне дапамагаць людзям. Гэта жаданне ўзнікла яшчэ ў дзіцячыя гады. І пасля школы ўраджэнка Случчыны без разваг накіравалася ў медвучылішча. А потым у 1989 г. па размеркаванні прыехала ў Любань. З таго часу нязменна працуе тут у аддзяленні хуткай дапамогі. Што называецца, прыжылася – і ў горадзе, і ў калектыве ЦРБ.

Апошнія сем гадоў Жанна Рэўтовіч робіць у адной брыгадзе з Кацярынай Лекуновіч. Любанчанка скончыла Слуцкі медыцынскі каледж у 2004-м. Спачатку працавала ў дзіцячым аддзяленні. А пасля дэкрэтнага адпачынку прапанавалі месца ў «хуткай». Кацярына згадзілася. І ніколькі пра тое не шкадуе.

За гады работы ў аддзяленні, якое, можна сказаць, заўсёды на перадавой, Жанна Эдуардаўна і Кацярына Аляксееўна пабачылі рознага, даводзілася сутыкацца з усякімі сітуацыямі. Кожная новая змена іх не падобная на папярэднюю. Здараецца і пацярпелых ратаваць у аварыях, і малых дзетак лячыць, і сталым людзям дапамагаць справіцца з гіпертанічным крызам, і інш.

– Патрэбна быць падрыхтаванымі да ўсяго, – упэўнены вопытныя фельчары, – каб у любым, нават самым экстранным, выпадку не разгубіцца. Калі стаў распаўсюджвацца Covid-19, напачатку, праўда, было страшнавата, – шчыра прызналіся яны. – Цяпер дабавілася ўпэўненасці, няма ранейшага псіхалагічнага напружання. Дзейнічаем згодна з пратаколам. На ўсе выклікі абавязкова едзем апранутыя ў ахоўныя касцюмы.

Па водгуках калег і пацыентаў, абедзвюм работніцам уласцівы чуласць, добразычлівасць, нераўнадушша, паважлівыя адносіны да кожнага і, канешне, высокая кампетэнтнасць. Яны пастаянна імкнуцца да ўдасканальвання ведаў і навыкаў. Акрамя спецыяльных курсаў, якія наведваюць кожныя пяць гадоў на базе сярэднеспецыяльных навучальных устаноў медыцынскага профілю Мінскай вобласці, семінараў-вучоб па розных захворваннях, займаюцца самаадукацыяй. Фельчары цікавяцца новымі напрамкамі і падыходамі ў лячэнні тых ці іншых хвароб, каб паспяхова прымяняць у сваёй дзейнасці.

На здымку: фельчары хуткай дапамогі (злева направа): Жанна Эдуардаўна Рэўтовіч і Кацярына Аляксееўна Лекуновіч у любую мінуту гатовы выехаць на выклік.

 

Наталья

Вилента


Архив сайта
26
2021
Февраль
Что, на ваш взгляд, сильнее всего угрожает вашему здоровью?
VI Всебелорусское народное собрание Год народного единства Биометрические документы Республики Беларусь Декрет №7 Декрет №3 Отдел образования Любанского РИК Телефоны горячих линий