Погода:
Курсы валют:
Объявления
Куплю-Продам
Радио
Масава-палiтычная газета Любанскага райвыканкама i райсавета дэпутатаў
«ГОРЯЧАЯ ЛИНИЯ»
(8-017-94) 68-1-29
отдел маркетинга
(8- 017-94)68-1-30,
SMS-информирование

+375-29-194-77-56.

Предложить новость
16 верасня 2019 года
Все сельсоветы
Главная  /  Новости  /  Общество  /  Благоустройство
7 лютага 2019 года, 12:59

Засталося добраўпарадкаваць тэрыторыю

 
У апошні час на дзяржаўным узроўні значная ўвага ўдзяляецца стварэнню камфортных умоў для людзей з асаблівасцямі, сталых грамадзян.

 

І такая ўвага ярка дэманструе, што наша грамадства нарэшце павярнулася тварам да тых, каму неабходна дапамога. Гандлёвыя цэнтры і магазіны, установы аховы здароўя і адукацыі, адміністрацыйныя будынкі дзяржаўных органаў, прадпрыемстваў і арганізацый паступова, але мэтанакіравана змяняюць свой знешні выгляд, арыентаваны на людзей з інваліднасцю. З’яўляюцца пандусы, спецыяльныя поручні, лесвіцы становяцца больш зручнымі, сціраюцца парогі.

Значна папрацавалі ў гэтым напрамку і будаўнікі, занятыя на рамонце будынка Любанскага ўчастка Салігорскага міжраённага аддзялення філіяла «Энергазбыт» РУП «Мінскэнерга» па завулку Сацыялістычным у райцэнтры. Неабходнасць у абнаўленні фасада і ўнутранай перапланіроўкі дыктаваў сам час. Будынак, узведзены гаспадарчым спосабам прыблізна ў сямідзясятых, патрабаваў капітальнага рамонту ўжо даўно. У снежні пазамінулага года работы распачаліся.

Падчас першага этапу былі заменены вокны, дзверы і дах, завяршыліся ўнутраныя работы. Нанава абуладкаваны разлікова-касавы цэнтр, дзе для зручнасці кліентаў зрабілі аперацыйную залу. Цяпер наведвальнікі ў даволі камфортных умовах з дапамогай спецыялістаў разліковай групы і абаненцкага аддзела могуць аформіць патрэбныя дакументы ці пазнаёміцца з неабходнай інфармацыяй пра плацяжы і тарыфы.

Асобную ўвагу падчас рамонту ўдзялілі ўваходнай групе. Хто наведваў будынак участка да пачатку работ, памятае, якім нязручным і нават небяспечным быў уваход. Цяпер жа зусім іншая справа. Справіцца з пад’ёмам без праблем змогуць і пенсіянеры, і людзі з абмежаванымі магчымасцямі.


Засталося толькі добраўпарадкаваць тэрыторыю, што прылягае да будынка, зрабіць стаянку для транспарту і адрамантаваць гаражы. Вось тады пра ўчастак можна будзе ўпэўнена сказаць, што ён адпавядае ўсім патрабаванням часу.

 

Светлана

Кривальцевич


Архив сайта
16
2019
Сентябрь
Что, на ваш взгляд, сильнее всего угрожает вашему здоровью?
Выборы-2019 2-е европейские игры Декрет №7 Тема недели Декрет №3 Телефоны горячих линий Отдел образования Любанского РИК