Версия для печати
Размер шрифта
+
Фото
Печать

Удзельнікаў з усіх рэгіёнаў Міншчыны шчыра віталі на абласным свяце, прысвечаным Дню Перамогі, якое адбылося ў горадзе Барысаве

 
 З нагоды 73-й гадавіны Вялікай Перамогі старшыня Мінскага абласнога выканаўчага камітэта Анатолій Ісачанка ад-расаваў ветэранам цёплыя словы віншаванняў і падзяку за вытрымку, адвагу, патрыятызм. «Мы аддаём даніну глыбокай павагі тым, хто прынёс на алтар перамогі самае дарагое – маладосць, здароўе і сваё жыццё, – адзначыў Анатолій Міхайлавіч. – Мы ўдзячны салдатам і афіцэрам, партызанам і падпольшчыкам, усім, хто шчыраваў на вытворчасці, вырошчваў хлеб, хто з гонарам прайшоў па цяжкіх дарогах вайны і ўнёс важкі ўклад у разгром нямецка-фашысцкіх захопнікаў». Старшыня аблвыканкама падкрэсліў, што маладое пакаленне ганарыцца сваімі дзядамі і прадзедамі, раўняецца на іх. А кіраўніцтвам краіны робіцца ўсё магчымае, каб ветэраны жылі дастойна, былі ахінуты ўсебаковай увагай.


 Пасля добрых пажаданняў увазе ўдзельнікаў свята быў прадстаўлены парад ваеннай і грамадзянскай тэхнікі. Працягам яго стаў канцэрт артыстаў і мастацкіх калектываў Міншчыны. Кожнае выступленне было прасякнута высокім пачуццём любві да роднай зямлі, Айчыны, удзячнасцю героям той вайны, чые імёны назаўсёды ўпісаны ў гісторыю.

 

Вы можете найти эту страницу по следующему адресу:
http://lluban.by/ru/soc-ru/view/udzelnikau-z-usix-regienau-minshchyny-shchyra-vitali-na-ablasnym-svjatse-prysvechanym-dnju-peramogi-jakoe-10631/
Афiцыйны сайт газеты Любанскага раёна

Все права защищены © 2018 Голас Любаншчыны. Распрацоука УП "БелТА"