Версия для печати
Размер шрифта
+
Фото
Печать

Чэмпіён ужо вядомы, хто зойме другі і трэці радкі?

 
9 лютага прайшлі сустрэчы шостага і сёмага тураў чэмпіянату Любанскага раёна па валейболе, які стартаваў 20 студзеня.

 

Адзначым, у спаборніцтвах бяруць удзел дзевяць каманд: сельскагаспадарчага прафесіянальнага ліцэя, райаддзела па надзвычайных сітуацыях (РАНС), Асавецкага і Тальскага сельсаветаў, райбальніцы, ДЮСШ і ФАЦ Любанскага раёна, лясгаса, а таксама ўпраўлення па адукацыі, спорце і турызме (УАСіТ).

У мінулую суботу адбылося восем паядынкаў. Так, каманда сельгасліцэя атрымала перамогу над камандай Тальскага сельсавета (для вызначэння мацнейшага сярод сапернікаў спатрэбілася трэцяя партыя), аднак саступіла камандзе Асавецкага сельсавета; каманда райбальніцы прайграла камандам Асавецкага сельсавета і УАСіТ; каманда лясгаса пацярпела паражэнне ў матчах з камандамі УАСіТ і ДЮСШ Любанскага раёна; сустрэчы каманды РАНС з камандамі ФАЦ Любанскага раёна і Тальскага сельсавета завяршыліся на карысць першай з іх.

Па выніках сямі тураў безумоўным лідарам спаборніцтваў з’яўляецца каманда РАНС, якая правяла сем паядынкаў і не дапусціла ніводнага пройгрышу. Ужо ні для каго не сакрэт, што менавіта выратавальнікі стануць чэмпіёнамі. Як, дарэчы, можна назваць і каманды, якія размесцяцца на другім і трэцім радках рэйтынгавай табліцы. Аднак мы пакуль захаваем інтрыгу.

Заключныя гульні чэмпіянату адбудуцца паслязаўтра.

 

Вы можете найти эту страницу по следующему адресу:
http://lluban.by/ru/minshinaspottivnaya-ru/view/chempien-uzho-vjadomy-xto-zojme-drugi-i-tretsi-radki-11426/
Афiцыйны сайт газеты Любанскага раёна

Все права защищены © 2018 Голас Любаншчыны. Распрацоука УП "БелТА"