Версия для печати
Размер шрифта
+
Фото
Печать

Узорны тэатр «Летуценнікі» Любанскай школы мастацтваў стаў лаўрэатам адкрытага рэгіянальнага фестывалю «Казкі жыцця»

Ладзіцца ён раз у два гады на Стаўбцоўшчыне, радзіме Якуба Коласа, у Дзераўнянскай ДШМ. Нашы «Летуценнікі» ўжо некалькі разоў прымалі ўдзел у гэтым фэсце з рознымі пастаноўкамі. І кожная з іх была годна ацэнена журы. Неаднаразова, дарэчы, у склад яго ўваходзіла кіраўнік узорнага тэатра Ала Каткавец.  Як зазначыла Ала Валянцінаўна, «Казкі жыцця»  – гэта цікавая культурная дзея, якая адкрывае таленты, дае магчымасць юным акцёрам, удзельнікам драматычных і лялечных тэатраў, паказаць свае здольнасці, майстэрства, перажыць новыя эмоцыі, а таксама спрыяе абмену набыткамі, вопытам, умацоўвае творчыя і сяброўскія сувязі.

Сёлета на юбілейным пятнаццатым фестывалі, які ў сувязі са складанай эпідэміялагічнай сітуацыяй праходзіў у анлайн-фармаце, узорны тэатр Любанскай ДШМ прадставіў спектакль па п’есе балгарскага драматурга Іардана Тодарава «Папугайчык Пай». Гэта цікавая пастаноўка пра вясёлага, гарэзлівага Папугайчыка, які жыве ва ўтульнай, камфортнай клетцы. І ўсё, здаецца, добра, але ён вельмі жадае ўбачыць свет сваімі вачамі. Ды не можа пакінуць клетку. Прыгоды Пая пачынаюцца, калі аднойчы да яго прыляцела цудоўная Ластаўка… Спектакль насычаны забаўнымі сюжэтамі, яркімі касцюмамі, музычнымі і харэаграфічнымі элементамі. Рабяты выдатна справіліся са сваімі ролямі, перадалі настрой, закладзены ў творы, і сталі пераможцамі.

Узорны тэатр атрымаў дыплом лаўрэата і прызы ад арганізатараў фестывалю. Акрамя таго,  Эвеліна Шыла, якая цудоўна сыграла Папугайчыка Пая, узнагароджана за высокае выканальніцкае майстэрства. Віншуем з чарговым поспехам нашых летуценнікаў і іх творчых натхняльнікаў, Алу Каткавец і загадчыка тэатральнага аддзялення ДШМ Васіля Каткаўца.
Вы можете найти эту страницу по следующему адресу:
http://lluban.by/ru/kultura-news-ru/view/uzorny-teatr-letutsenniki-ljubanskaj-shkoly-mastatstvau-stau-laureatam-adkrytaga-regijanalnaga-festyvalju-14877/
Афiцыйны сайт газеты Любанскага раёна

Все права защищены © 2018 Голас Любаншчыны. Распрацоука УП "БелТА"