Версия для печати
Размер шрифта
+
Фото
Печать

Парк-музей інтэрактыўнай гісторыі «Сула» 21 верасня збірае гасцей на свята

 
У парку-музеі інтэрактыўнай гісторыі «Сула», што замешчаны на Стаўбцоўшчыне, 21 верасня пройдзе «Беларуска-польскі фэст у Суле» (пачатак у 13:00).

Фэст адкрые чараду сустрэч на Суле, прысвечаных культурнай спадчыне народаў, якія традыцыйна насяляюць нашу зямлю поруч з беларусамі.

Невялікае музычна-танцавальнае свята будзе прысвечана беларуска-польскім традыцыям, якія на працягу стагоддзяў існавалі на нашых землях.

Госці фэсту ўбачаць польскія і беларускія танцы, пачуюць сучасныя і старадаўнія песні, а таксама атрымаюць магчымасць паўдзельнічаць у майстар-класах.

На свяце можна будзе акунуцца ў атмасферу жывой беларускай і польскай мовы, пакаштаваць традыцыйныя стравы абодвух народаў.

У Калегіуме з духоўнымі спевамі выступіць хор польскай песні, пройдзе таксама мініканцэрт на фісгармоніі XIX стагоддзя ад пана Тадэвуша.

Сваёй творчасцю падзеляцца калектывы «CantusCordis», «Маёвы Квят», «Карагод» ды іншыя.

Стварыць атмасферу старадаўняй польска-беларускай шляхецкай культуры дапамогуць удзельнікі клубаў гістарычнай рэканструкцыі ды тэатральных суполак.

На шляхецкай пляцоўцы падчас імпрэзы госці змогуць не проста ўбачыць строі ды зброю мінулых эпох, але ж і дакрануцца да жывой гісторыі, стаўшы ўдзельнікамі майстар-класаў па валоданні польскай шабляй ды гледачамі сапраўдных міні-спектакляў.

 

Вы можете найти эту страницу по следующему адресу:
http://lluban.by/ru/kultura-news-ru/view/park-muzej-interaktyunaj-gistoryi-sula-21-verasnja-zbirae-gastsej-na-svjata-12430/
Афiцыйны сайт газеты Любанскага раёна

Все права защищены © 2018 Голас Любаншчыны. Распрацоука УП "БелТА"