Хутка будзе новы хлеў


На малочнатаварнай ферме «Дарасіно» адкрытага акцыянернага таварыства «Урэцкі» няспынна вядзецца рэканструкцыя старых і будаўніцтва новых аб’ектаў. Да канца красавіка, па словах прараба названай сельгасарганізацыі Аляксея Мельніка, падворак фермы папоўніцца новым сучасным памяшканнем на 200 галоў буйной рагатай жывёлы. У прасторным клюшачніку на бяспрывязным утрыманні будуць знаходзіцца цяляты на дарошчванні.

У гэтыя дні брыгада, у склад якой уваходзяць шэсць працаўнікоў з Лельчыцкага раёна, ужо завяршае будаўнічыя работы – майструе металічныя ўваходныя вароты (на здымку). Затым дойдзе справа да кармавога стала для жывёлы з абкладальнай пліткі, якая ўжо закуплена. Будаўніцтва ж выгульных пляцовак побач хлява, як і добраўпарадкаванне тэрыторыі, па словах прараба, будзе ажыццяўляцца гаспадарчым спосабам. Дарэчы, на ўзвядзенне клюшачніка выкарыстоўваліся сродкі не толькі ААТ, але і абласнога, і мясцовага бюджэтаў. Дзякуючы агульным намаганням з’явіўся светлы «хорам» для жывёлы. «У ім будзе цёпла і светла, свежае паветра. Канёк, вокны, у тым ліку і тыя, што на даху – усё зроблена з полікарбанату, па новым для нас праекце, – распавёў Аляксей Аляксандравіч. – У гэтым годзе на МТФ «Дарасіно» з’явяцца яшчэ два хлявы для дойнага статка з агульнай даільнай залай, а на МТФ «Крупенікі» – новы хлеў для ўтрымання груп па дарошчванні БРЖ».

Алена ЧАРНЫШОВА.

Фота аўтара.

Ваш отзыв

1 октября – день пожилых людей 1 сентября – день знаний 4 октября – день учителя 5 кастрычніка – дзень работнікаў крымінальнага вышуку 6 октября – день архивиста 20 сентября – день работников леса 25 октября – день автомобилиста и дорожника 26 АПРЕЛЯ – ДЕНЬ ЧЕРНОБЫЛЬСКОЙ ТРАГЕДИИ 26 июня – день работников прокуратуры 70-летие великой победы 2015 – год молодежи Аздараўленне Актуально Акцыя Ахова працы В комитете госконтроля Ганаруся сваёй прафесіяй Год культуры Да 450-годдзя Любані Демография День работников сельского хозяйства и перерабатывающей промышленности Дэмаграфія Единый день информирования За здаровы лад жыцця Конкурс «Перамога ў нашай памяці жыве» Летняе аздараўленне Людзі і справы Международные связи Народ и власть Наши достижения Обратная связь Оздоровление ПРАЕКТ «ЖЫВЕ МАЯ ВЁСКА» Парламентский вестник Патрыятычнае выхаванне Пресс-тур губернатора Минской области Профилактика правонарушений Профориентация Святы Служба занятости Служу отечеству! Справы вясковыя Творчество Ураджай-2016 Цікавая экскурсія