Надвор'е:

Курсы валют:
Аб'явы
Радыё
Масава-палiтычная газета Любанскага райвыканкама i райсавета дэпутатаў
«ГАРАЧАЯ ЛІНІЯ»
(8-017-94) 55-5-62 ,
SMS-інфармаванне

+ 375-29-194-77-56

Прапанаваць навіну
2 красавіка 2020 года
Все сельсоветы
Галоўная  /  Навіны  /  Выбары
27 верасня 2019 года, 13:16

У Любанскім раёне на выбарчых участках будзе створана безбар’ернае асяроддзе

 
На тэрыторыі нашага раёна рашэннем райвыканкама створана 30 участкаў для галасавання па выбарах дэпутата Палаты прадстаўнікоў Нацыянальнага сходу Рэспублікі Беларусь сёмага склікання. Усе яны ўжо абазначаны: шаснаццаць размяшчаюцца ва ўстановах адукацыі, астатнія – у сельвыканкамах, Дамах культуры, ФАПах і г.д.

Як зазначыла намеснік старшыні Любанскага раённага выканаўчага камітэта Тамара Дамашэвіч, пры падрыхтоўцы ўчасткаў асаблівая ўвага будзе нададзена стварэнню належных умоў для галасавання людзей з абмежаванымі фізічнымі магчымасцямі, абуладкаванню безбар’ернага асяроддзя.

Большасць памяшканняў, у якіх знаходзяцца ўчасткі для галасавання, маюць пандусы, там жа, дзе пры ўваходзе іх няма, будуць выкарыстаны перасоўныя. Для зручнасці выбаршчыкаў прадугледжана размяшчэнне камісій толькі на першых паверхах.

Упершыню запланавана падрыхтаваць спецыяльныя месцы, куды без складанасцей змогуць заехаць і інваліды-калясачнікі, каб запоўніць бюлетэнь. Акрамя таго, як і ў папярэднія разы, у асноўны дзень выбараў будуць задзейнічаны валанцёры, якія акажуць неабходную дапамогу грамадзянам са слабым зрокам, слыхам, пенсіянерам і інш.

Такім чынам, любанчане з абмежаванымі фізічнымі магчымасцям,якія прымуць рашэнне галасаваць непасрэдна на выбарчых участках, а не дома, без перашкод могуць выканаць свой грамадзянскі абавязак.

 

Наталля

Вілента


Архіў сайта
2
2020
Красавік
2-е еўрапейскія гульні Дэкрэт №7 Год малой радзімы Тэлефоны гарачых ліній Дэкрэт №3 Аддзел адукацыі Любанскага РВК Тэма тыдню