Надвор'е:

Курсы валют:
Аб'явы
Радыё
Масава-палiтычная газета Любанскага райвыканкама i райсавета дэпутатаў
«ГАРАЧАЯ ЛІНІЯ»
(8-017-94) 55-5-62 ,
SMS-інфармаванне

+ 375-29-194-77-56

Прапанаваць навіну
23 жніўня 2019 года
Все сельсоветы
Галоўная  /  Навіны  /  Улада
22 лютага 2019 года, 06:28

Знаходзяць шляхі для вырашэння праблем

 
Калектыў Сароцкага сельскага выканаўчага камітэта пад кіраўніцтвам старшыні Аляксандра Яўгеньевіча Шаплыкі ўжо не першы раз аказаўся ў ліку пераможцаў штогадовага раённага спаборніцтва.

І для прыняцця такога рашэння ў кіраўніцтва існуюць падставы. Перад сельсаветам стаіць мноства пытанняў, якія патрабуюць увагі. Гэта і непасрэдныя звароты грамадзян, і закуп малака ў насельніцтва, і грамадская, а таксама пажарная бяспека, і сацыяльная абарона асобных катэгорый, і медыцынскае абслугоўванне, і безліч іншых.

Так, да слова, прыём грама-дзян старшыня сельсавета і яго спецыялісты вядуць штодзень. Толькі за мінулы год паступіла 1 164 звароты. Усе яны ўсебакова разгледжаны, па кожным прынята адпаведнае рашэнне з улікам усіх абставін. Да таго ж для своечасовага інфармавання насельніцтва дадаткова праводзяцца сходы, на якіх усе прысутныя таксама могуць падняць тое ці іншае пытанне.

Калі заходзіць гаворка пра работу сельвыканкама, немагчыма не закрануць тэму добраўпарадкавання. Сапраўды, у дадзеным накірунку зроблена нямала. Сумесна з кіраўнікамі арганізацый і прадпрыемстваў, устаноў, са старастамі населеных пунктаў рэалізуецца цэлы комплекс мерапрыемстваў па развіцці тэрыторый, навядзенні парадку. У мінулым годзе на тэрыторыі сельсавета праведзены суботнікі і два месячнікі па добраўпарадкаванні. У выніку ўстаноўлена больш за кіламетр тыну, у тым ліку 900 м – грамадзянамі, 248 – выканаўчым камітэтам. Новая агароджа з’явілася на грамадзянскіх могілках у Палічным, пафарбавана – у тым жа Палічным, Арлёве, Азярным і ў Сарачах. Акрамя таго, не толькі на месцах пахавання, а і ўвогуле на тэрыторыі вёсак і аграгарадка высякаюцца старыя дрэвы і кустоўе, прыбіраецца смецце, своечасова праводзіцца абкошванне. Асобная ўвага – пакінутым дамам. У мінулым годзе іх знесена пяць, а ўсяго ж з 2008 года – дзевяноста старых будынкаў  за бюджэтныя сродкі. Значную дапамогу ў дадзеным накірунку  аказваюць акцыянерныя таварыствы «Чырвоная змена» і «Юрковічы».

Сваю лепту ў наладжванне цеснага ўзаемадзеяння з насельніцтвам уносяць прадстаўнікі органаў тэрытарыяльнага грамадскага самакіравання – 12 старастаў і 11 дэпутатаў сельскага Савета дэпутатаў, актыў сельвыканкама. Цяжка ўявіць культурна-масавыя мерапрыемствы, сходы грамадзян, работу па навядзенні парадку на зямлі, размеркаванні ўчасткаў, удакладненні пагаспадарчых кніг, арганізацыі закупкі сельгаспрадукцыі і па іншых накірунках без іх дапамогі. І за такую неабыякавасць – асаблівая ўдзячнасць.

Ды, нягледзячы на ўсе прымаемыя меры і праведзеную работу, яшчэ шэраг пытанняў патрабуе вырашэння. А значыць, калектыў Сароцкага сельвыканкама і сёлета чакаюць цяжкасці, якія, мы не сумняваемся, ён з годнасцю пераадолее.

На здымку: калектыў Сароцкага сельвыканкама (злева направа): Вольга КУЗЬМІЧ, Аляксандр ШАП-ЛЫКА, Любоў ІВАНОВА, Анжэла КРАСНЕЎСКАЯ.

 

Святлана

Крывальцэвіч


Архіў сайта
23
2019
Жнівень
Тэлефоны гарачых ліній Год малой радзімы Дэкрэт №7 Аддзел адукацыі Любанскага РВК Тэма тыдню Дэкрэт №3 2-е еўрапейскія гульні