Надвор'е:

Курсы валют:
Аб'явы
Радыё
Масава-палiтычная газета Любанскага райвыканкама i райсавета дэпутатаў
«ГАРАЧАЯ ЛІНІЯ»
(8-017-94) 55-5-62 ,
SMS-інфармаванне

+ 375-29-194-77-56

Прапанаваць навіну
25 травня 2020 года
Все сельсоветы
Галоўная  /  Навіны  /  Улада
27 жніўня 2019 года, 14:23

Кіраўнік Любанскага раёна Валерый Мельнік сустрэўся з жыхарамі вёскі Камуны

«Дапамажыце захаваць нашу вёску, якая мае слаўную гісторыю!», – з усёй шчырасцю прасілі падчас сустрэчы з кіраўніцтвам Любанскага раёна жыхары Камуны, нашчадкі тых, хто будаваў яе. 

Але, зразумела, няма нейкага чароўнага сродку ці рэцэпта, якія б дазволілі ў імгненне рашыць праблему так званых неперспектыўных аддаленых населеных пунктаў. 

Моладзь не асабліва жадае затрымлівацца, накіроўваецца ў горад у пошуках лепшай долі. Усё менш і менш дзяцей наведваюць школу. Насельніцтва паступова старэе. І такая праблема, на жаль, характэрна практычна для ўсіх рэгіёнаў нашай краіны. Аднак, як было заўважана, жыхары не павінны апускаць рукі, трэба працаваць, павялічваць вытворчасць і умацоўваць эканоміку мясцовай сельскай гаспадаркі ААТ «БВА», якая некалі мела высокія паказчыкі, была ў ліку лідараў у Савецкім Саюзе.


Старшыня райвыканкама Валерый Мельнік зазначыў, калі ўсе працаўнікі будуць заўзята шчыраваць, тады «БВА» ізноў выйдзе ў лік перадавікоў, а значыць, і зарплаты стануць больш высокімі, і маладыя спецыялісты ахвотней будуць замацоўвацца тут. І вёска застанецца жыць. Тым больш інфраструктура там нядрэнная: добры СДК – сапраўдны цэнтр культурнага жыцця вяскоўцаў, дзе ладзяцца розныя мерапрыемствы, дзейнічаюць аб’яднанні па інтарэсах, адроджана ткацтва, ёсць прамтаварны і прадуктовы магазіны, школа.

Старшыня Камунараўскага сельскага Савета Мікалай Дудзік і старшыня Любанскага раённага выканаўчага камітэта Валерый Мельнік.

Нямала набралася ў камунараўцаў і надзённых пытанняў. У прыватнасці, гучалі пажаданні дабавіць кантэйнераў для ЦБА, актывізаваць у населеным пункце барацьбу з бадзячымі сабакамі. Са свайго боку намеснік дырэктара ЖКГ Сяргей Абрамовіч запэўніў, што клопаты грамадзян не застануцца па-за ўвагай жыллёва-камунальнай гаспадаркі.

Кіраўніку ААТ «БВА» Аляксандру Дудзіку даручана неадкладна выправіць сітуацыю з падкошваннем пашы для жывёлы насельніцтва. А начальнік ДРБУ-193 Віктар Шатнёў паклапоціцца пра добраўпарадкаванне дарогі ад вул. Майскай у Камуне да Соснаў 1, па якой жыхары дабіраюцца ў амбулаторыю і г.д., таксама прапрацуе магчымасць уключэння ў планы на наступны год работ па асфальтаванні самой названай вуліцы.

Станоўча, па словах галоўнага ўрача Любанскай ЦРБ Андрэя Амшарука, вырашыцца просьба вяскоўцаў наконт здачы аналізаў крыві і іншых: раз у тыдзень на мясцовы ФАП будзе прыязджаць медработнік з суседняй амбулаторыі і выконваць гэтыя маніпуляцыі.

Выказвалі прысутныя нараканні на нізкі ўзровень аплаты ў жывёлагадоўлі і паляводстве, на тое, што з 2017 года ў ААТ «Палессе-агра» не выдадзена сена за рэалізаваных насельніцтвам цялят, скардзіліся на недобрасумленных лесанарыхтоўшчыкаў, якія абы-дзе складзіруюць драўніну, а пасля не прыбіраюць гэтыя месцы. Карацей кажучы, у камунараў клопатаў шмат, і яны агучвалі свае запыты з упэўненасцю, што будуць пачуты.

Наталля

Вілента


Архіў сайта
25
2020
Травень
2-е еўрапейскія гульні Дэкрэт №3 Аддзел адукацыі Любанскага РВК Год малой радзімы Тэлефоны гарачых ліній Дэкрэт №7 Тэма тыдню