Надвор'е:

Курсы валют:
Аб'явы
Радыё
Масава-палiтычная газета Любанскага райвыканкама i райсавета дэпутатаў
«ГАРАЧАЯ ЛІНІЯ»
(8-017-94) 55-5-62 ,
SMS-інфармаванне

+ 375-29-194-77-56

Прапанаваць навіну
2 красавіка 2020 года
Все сельсоветы
Галоўная  /  Навіны  /  Грамадства  /  Маладзёжная палітыка
7 лютага 2019 года, 12:51

На сустрэчу з мінулым з падарункамі

 
Па традыцыі ў першую суботу лютага ва ўсіх 23 школах нашага раёна ладзіліся мерапрыемствы для выпускнікоў розных гадоў.

 

У штодзённых клопатах, як часта здараецца, мы забываем пра тое, якой цудоўнай і бестурботнай была залатая пара дзяцінства і юнацтва, колькі цудоўных момантаў з ёю звязана. А падчас сустрэчы з былымі аднакласнікамі ў сценах роднай установы адукацыі ўспаміны нібы ажываюць, кранаюць сэрца, даюць магчымасць акунуцца ў мінулае. Прыгадваюцца сумесныя паходы, суботнікі, цікавыя гісторыі, класныя, інфармацыйныя гадзіны і многае іншае, без чаго нельга ўявіць вучнёўскую рэчаіснасць.

Амаль паўтары тысячы выпускнікоў Любаншчыны завіталі на вечар школьных сяброў. Хтосьці з іх атрымаў атэстат сталасці літаральна год таму і яшчэ, як кажуць, не паспеў засумаваць па ўроках і перапынках. Але большасць былых навучэнцаў ужо дарослыя людзі, якія састаяліся ў прафесіі, дасягнулі пэўных поспехаў, наладзілі асабістае шчасце. Ім было пра што расказаць. І яны распавядалі: з задавальненнем адказвалі на пытанні старшакласнікаў, з вышыні пражытых га-доў давалі ацэнку сваім мінулым учынкам, дзяліліся ўражаннямі пра арганізаванае для іх свята. А яшчэ, вядома ж, гаварылі самыя шчырыя, цёплыя словы ўдзячнасці ў адрас любімых настаўнікаў, якія, не шкадуючы сіл, часу, шчодра аддавалі свае веды, вучылі чалавечнасці, узаемападтрымцы і дапамаглі атрымаць пуцёўку ў жыццё.

У знак падзякі выпускнікі падрыхтавалі падарункі. Спартыўны інвентар, відэакамера, тэлевізар, абсталяванне для актавай залы і шмат іншых неабходных рэчаў на агульную суму 4 313 рублёў перададзена ў мінулую суботу ў карыстанне ўстаноў адукацыі. Пры гэтым, па словах начальніка ўпраўлення адукацыі, спорту і турызму Любанскага райвыканкама Таццяны Каравацкай, некаторыя з былых вучняў неўпершыню аказваюць такую дапамогу. Пасля сёлетняй жа сустрэчы дванаццаць выпускнікоў уключаны ў састаў папячыцельскіх саветаў школ (Малагарадзячыцкай, Сароцкай і г.д.) з тым, каб і далей удзельнічалі ў іх жыцці, усебакова падтрымлівалі.

 

Наталля

Вілента


Архіў сайта
2
2020
Красавік
2-е еўрапейскія гульні Дэкрэт №3 Тэлефоны гарачых ліній Тэма тыдню Год малой радзімы Аддзел адукацыі Любанскага РВК Дэкрэт №7