Надвор'е:

Курсы валют:
Аб'явы
Радыё
Масава-палiтычная газета Любанскага райвыканкама i райсавета дэпутатаў
«ГАРАЧАЯ ЛІНІЯ»
(8-017-94) 55-5-62 ,
SMS-інфармаванне

+ 375-29-194-77-56

Прапанаваць навіну
21 кастрычніка 2019 года
Все сельсоветы
Галоўная  /  Навіны  /  Грамадства
20 верасня 2019 года, 05:30

19 верасня прайшоў адзіны дзень інфармавання насельніцтва

 
«Перапіс насельніцтва: позірк на сучаснасць – крок у будучыню!» – так гучыць тэма вераснёўскага адзінага дня інфармавання, што прайшоўна гэтым тыдні.

У працоўных калектывах Любаншчыны абмяркоўвалася значнасць маючай адбыцца кампаніі, а таксама алгарытм запаўнення анкет праз інтэрнэт. Бо менавіта такі спосаб лічыцца найбольш прымальным для розных катэгорый насельніцтва і да таго ж пасадзейнічае скарачэнню нагрузкі для перапісчыкаў, якім гэта работа аплачвацца не будзе.

А напярэдадні, падчас інструкцыйна-метадычнай нарады, у рэжыме відэаканферэнцыі ідэалагічным актывам рэгіёнаў Міншчыны пра ўсё гэта расказвала намеснік старшыні Нацыянальнага статыстычнага камітэта Жанна Васілеўская. У сваім выступленні яна зазначыла, што перапіс з’яўляецца агульнанацыянальным мерапрыемствам, удзел у якім прымаюць усе асобы, незалежна ад таго, пастаянна пражываюць ці часова знаходзяцца ў краіне ў перыяд яго правядзення. А па выніках будзе створаны свайго роду калектыўны партрэт нашай рэспублікі. Таму Прэзідэнт дзяржавы даручыў зрабіць усё якасна і своечасова, падкрэсліла Жанна Мікалаеўна.

Сёлетняя такая кампанія трэцяя ў гісторыі суверэннай Беларусі. Але ў адрозненні ад дзвюх папярэдніх мае шэраг асаблівасцей: яна самая інавацыйная. Галоўнае – адмова ад анкетавання з дапамогай папяровых носьбітаў. Змяніўся і пералік пытанняў (павялічыўся на дванаццаць), якія датычаць наяўнасці зямельных участкаў, сельгасжывёлы, намеру выезду за мяжу, планавання нараджэння дзяцей і г.д.

Што да парадку перапісу, то з 4 па 18 кастрычніка будзе праводзіцца ён праз інтэрнэт. Потым на працягу двух дзён узгодняцца даныя, удакладняцца адрасы, па якіх людзі яшчэ не запоўнілі анкеты. І пасля, з 21 па 30 кастрычніка, перапісчыкі наведаюцца да іх. Акрамя таго, на працягу ўсяго перыяду можна перапісацца на стацыянарных участках. Канчатковыя ж вынікі грамадскай кампаніі будуць агучаны ў чэрвені-ліпені наступнага года.

 

Наталля

Вілента


Архіў сайта
21
2019
Кастрычнік
Дэкрэт №7 Дэкрэт №3 Тэма тыдню 2-е еўрапейскія гульні Год малой радзімы Тэлефоны гарачых ліній Аддзел адукацыі Любанскага РВК