Надвор'е:

Курсы валют:
Аб'явы
Радыё
Масава-палiтычная газета Любанскага райвыканкама i райсавета дэпутатаў
«ГАРАЧАЯ ЛІНІЯ»
(8-017-94) 55-5-62 ,
SMS-інфармаванне

+ 375-29-194-77-56

Прапанаваць навіну
23 верасня 2020 года
Все сельсоветы
Галоўная  /  Навіны  /  Адукацыя і развіццё
28 лютага 2019 года, 12:43

«Размаўляем па-беларуску»

 
 
21 лютага ва ўсім свеце адзначаўся Міжнародны дзень роднай мовы.

 

З гэтай нагоды ўжо трэці год запар Любанская раённая цэнтральная бібліятэка разам з аддзелам ідэалагічнай работы, культуры і па справах моладзі правяла раённую гульню-віктарыну «Размаўляем па-беларуску».

Мерапрыемства накіравана на папулярызацыю беларускай мовы, выхаванне ў школьнікаў павагі і любові да роднага слова, цікавасці да твораў беларускіх пісьменнікаў. Сёлета ўдзел у ім прынялі 11 каманд вучняў школ раёна.

Гульня праходзіла ў вострай і напружанай барацьбе. Заданні датычыліся мовы, літаратуры, фальклору, этнаграфіі… Пытанні былі дастаткова складанымі, але каманды працавалі дружна і зладжана, рабяты дэманстравалі выдатныя веды роднай мовы.

Святочнасць мерапрыемству надавалі музычныя нумары выхаванцаў дзіцячай школы мастацтваў.

Па выніках гульні трэцяе месца заняла каманда «Беларусачка» навучэнцаў Атраднаўскай сярэдняй школы, другое – каманда «Лірнікі» (Тальскі дзіцячы сад – сярэдняя школа). Пераможцамі гульні стала каманда «Несцерка» ў складзе Ксеніі Васкевіч, Арыны Выскварка і Данііла Жарага – навучэнцаў Гімназіі №1 г. Любані. Напрыканцы ўсе ўдзельнікі свята атрымалі ўзнагароды.

Алена БУЛДЫК,

загадчык аддзела абслугоўвання і інфармацыі

Любанскай раённай цэнтральнай бібліятэкі.

 

 

 

Архіў сайта
23
2020
Верасень
Дэкрэт №3 Тэма тыдню Год малой радзімы 2-е еўрапейскія гульні Тэлефоны гарачых ліній Дэкрэт №7 Аддзел адукацыі Любанскага РВК