Надвор'е:

Курсы валют:
Аб'явы
Радыё
Масава-палiтычная газета Любанскага райвыканкама i райсавета дэпутатаў
«ГАРАЧАЯ ЛІНІЯ»
(8-017-94) 55-5-62 ,
SMS-інфармаванне

+ 375-29-194-77-56

Прапанаваць навіну
25 травня 2020 года
Все сельсоветы
Галоўная  /  Навіны  /  Навіны культуры
21 лютага 2019 года, 13:34

Тут не бывае дрэнных канцэртаў

 
Лепшай установай культуры па выніках работы за мінулы год прызнаны Забалацкі СДК. Такое званне Дом культуры атрымлівае ўжо другі раз: дагэтуль культработнікі з Забалаці станавіліся лепшымі ў 2014 годзе.

 

Дырэктар установы Алена Галадок сцвярджае, што высокіх паказчыкаў у рабоце яны дасягаюць дзякуючы зладжанай працы калектыву, дысцыплінаванасці і адказнасці кожнага. Акрамя Алены Аляксандраўны, у Доме культуры працуюць таксама мастацкі кіраўнік Ірына Караліс і загадчык лабараторыі вольнага часу Настасся Караліс.

План платных паслуг Забалацкі СДК цалкам выконвае сваімі канцэртамі. На Новы год тут заўжды тэатралізаванае прадстаўленне, вялікія праграмы рыхтуюцца да 8 Сакавіка, Дня работнікаў сельскай гаспадаркі. Прычым гэтыя канцэрты дубліруюцца таксама і ў Смольгаве. Дарэчы, як зазначае Алена Аляксандраўна, у тых населеных пунктах, дзе сельскія клубы ўжо не дзейнічаюць, на канцэрты заўжды збіраецца вельмі шмат людзей. Трэба адзначыць, што работнікі культуры ў цесным тандэме працуюць з усімі мясцовымі арганізацыямі і структурамі: з Юшкавіцкім сельсаветам, Забалацкім дзіцячым садам – сярэдняй школай; з ААТ «Забалацкі», якое з’яўляецца пастаянным спонсарам культурных мерапрыемстваў, за што калектыў СДК выказвае шчырую падзяку кіраўніку гаспадаркі.

У Доме культуры маецца восем гурткоў і два аматарскія аб’яднанні. Самымі вядомымі калектывамі СДК з’яўляюцца ўзорны фальклорны ансамбль «Нашчадкі» і вакальны гурт «Сяброўкі».

– Нашы «Сяброўкі» вельмі мабільныя, – расказвае Алена Галадок. – У рэпертуары калектыву шмат песень, і, калі трэба, мы можам літаральна за дзень сабрацца і арганізаваць двухгадзінны канцэрт. І не проста канцэрт – а якасны. Глядач сёння не хоча прыйсці ў халодны клуб з паламанай мэбляй і пагля-дзець хоць бы на што – абы паказалі. Не, трэба, каб і крэслы былі зручнымі і прыгожымі (а такія з’явіліся ў Забалаці ў мінулым годзе). І выступленні павінны быць добрага ўзроўню. Сёння ў многім дзякуючы тэлебачанню і інтэрнэту не трэба мець спецыяльнай адукацыі, каб убачыць, калі артысты спяваюць хораша, а калі не.

Зрэшты, дрэнных выступленняў у забалатцаў не бывае. Як сцвярджае дырэктар установы, у гэтым вялікая заслуга мастацкага кіраўніка: Ірына Уладзіміраўна да сваёй справы ставіцца надта скрупулёзна і проста не можа выпусціць на сцэну чалавека, які штосьці недавучыў ці недацягнуў.

Калі ў забалацкіх школьнікаў ёсць вольны час, яны таксама з задавальненнем наведваюць Дом культуры; працуе з рабятамі ў асноўным Настасся Караліс. Дзеці старэйшага ўзросту штотыдзень збіраюцца, каб пагуляць у папулярную настольную псіхалагічную гульню «Мафія», для малодшых ёсць «Куралісы», а таксама больш рухомыя «Джэнга», «Твістар»  – іншымі словамі, хапае забаў і для рабят любога ўзросту.

 

Настасся

Дашкевіч


 
 

Архіў сайта
25
2020
Травень
Тэма тыдню Дэкрэт №3 Год малой радзімы Тэлефоны гарачых ліній 2-е еўрапейскія гульні Аддзел адукацыі Любанскага РВК Дэкрэт №7