На ўчастку для галасавання


Крыху больш за тыдзень застаецца да важнай палітычнай падзеі – выбараў у мясцовыя Саветы дэпутатаў Рэспублікі Беларусь. Як працуе ў гэты час участковая камісія? Колькі выбаршчыкаў на ўчастку для галасавання?
На ўчастку для галасавання

Гэтыя і іншыя пытанні мы задалі старшыні ўчастковай выбарчай камісіі Рачэнскага ўчастка для галасавання №28 па выбарах дэпутатаў мясцовых Саветаў дэпутатаў Рэспублікі Беларусь дваццаць восьмага склікання Ганне Вверамейчык. Дадам, што знаходзіцца ўчастковая выбарчая камісія, як і памяшканне для галасавання, у Рачэнскім сельскім Доме культуры. Тут для выбаршчыкаў устаноўлены інфармацыйныя стэнды са звесткамі пра кандыдатаў у дэпутаты, размешчаны іншыя дакументы да выбараў. Кожны жадаючы можа звярнуцца са сваімі пытаннямі і да членаў камісіі.
– Ганна Канстанцінаўна, хто працуе ў складзе ўчастковай выбарчай камісіі?
– Наша камісія складаецца з дзевяці чалавек, з іх чатыры ўвайшлі ў яе ад грамадзян шляхам падачы заяў, па аднаму прадстаўніку – ад Любанскіх раённых арганізацый грамадскіх аб’яднанняў «Белая Русь», «Беларускі саюз жанчын», «Беларускі фонд міру», «Беларускае грамадскае аб’яднанне ветэранаў», «БРСМ». Кожны з членаў камісіі ў папярэднія гады прымаў удзел у выбарчых кампаніях, таму, можна сказаць, усе яны людзі вопытныя ў гэтай справе.
– Скажыце, калі ласка, колькі кандыдатаў у дэпутаты зарэгістравана па Рачэнскім участку для галасавання №28?
– Пяць кандыдатаў зарэгістравана ў Рачэнскі сельскі Савет дэпутатаў і па два ў Любанскі раённы і Мінскі абласны Саветы дэпутатаў.
– А колькі выбаршчыкаў на ўчастку? І як вы думаеце, якая будзе актыўнасць іх у дзень выбараў?
– У правераных членамі камісіі спісках выбаршчыкаў значацца 634 чалавекі. Спісы знаходзяцца на ўчастку для галасавання, і грамадзяне могуць з імі азнаёміцца. Выбаршчыкі ўжо атрымалі паведамленні з запрашэннямі на выбары. Спадзяёмся, што 18 лютага Рачэнскі ўчастак для галасавання №28 будзе мнагалюдны, як і ў мінулыя выбарчыя кампаніі – грамадзяне праявяць актыўнасць і абгрунтавана падтрымаюць альбо не кандыдатаў у дэпутаты.
Алена РАДКЕВІЧ.

Ваш отзыв

1 октября – день пожилых людей 1 сентября – день знаний 4 октября – день учителя 5 кастрычніка – дзень работнікаў крымінальнага вышуку 6 октября – день архивиста 20 сентября – день работников леса 25 октября – день автомобилиста и дорожника 26 АПРЕЛЯ – ДЕНЬ ЧЕРНОБЫЛЬСКОЙ ТРАГЕДИИ 26 июня – день работников прокуратуры 70-летие великой победы 2015 – год молодежи Аздараўленне Актуально Акцыя Ахова працы В комитете госконтроля Ганаруся сваёй прафесіяй Год культуры Да 450-годдзя Любані Демография День работников сельского хозяйства и перерабатывающей промышленности Дэмаграфія Единый день информирования За здаровы лад жыцця Конкурс «Перамога ў нашай памяці жыве» Летняе аздараўленне Людзі і справы Международные связи Народ и власть Наши достижения Обратная связь Оздоровление ПРАЕКТ «ЖЫВЕ МАЯ ВЁСКА» Парламентский вестник Патрыятычнае выхаванне Пресс-тур губернатора Минской области Профилактика правонарушений Профориентация Святы Служба занятости Служу отечеству! Справы вясковыя Творчество Ураджай-2016 Цікавая экскурсія